Rahden (WB). Anlässlich der 60. Wiederkehr des Kriegsendes hat Elfriede Sudbrink ihr Buch »Erinnerungen ut miene Kinndertiet in twäiten Weltkrieg« veröffentlicht. Sie schildert in plattdeutscher Sprache, wie sie als Kind die Kriegsjahre erlebt hat. Heute geht es um »Beste Stoam in Höihnerstall«. Elfriede Sudbrink schreibt auf Platt, um die Mundart für ihre Kinder, Enkel und die Nachwelt zu erhalten.
Olle Lüüe han'n jetz Inquatierung, vo oll'n däi Buern, doa gaff't ner jümmer gout watt tou eet'n. Man behüllp sick ollerwärts so gout ett güng, wenn uck mancher an murm wass. Use Norbers han'n uck olle Evakuerte uppmoahm. Äine Familie ut Bottrop wass bi äin Norber un äin Junge doavan wia bien annern Norbern ünnerkom. Däi wass in mien Öller. Fief Lüüt'ns würn bi use annern Norbers wodäilst wurm. Upp mien Schoulwegg han'n sick nun äinige Schöilers tougesellt. Däi Öllern van däi Kinner würn meist in Roahn bleem, so wurn däi Familien olle ut'nannner reet'n. Use Froue, Gretchen, siene Norberske ut Buer, wass bi usen Norber Lohmeier unnerkom. Weil däi in ührn Huse weinig Platz han'n, häbb säi fo däi Martha un däi lüttken Marlis ührn Houhnerstall trechte maket. Mett'e Tiet harre sick däi Froue doa «ne lüttke Wohnung inricht't, sogar dat Koaken wass mäglich, dat Oamrohr güng äinfach dür't Fenster no but'n. Gretchen un Martha würn echte Freundinen un frouh, dat säi beide so donne bienanner bleem würn. Ett vogüng käin Dag, wo sick däi bein nich besöggten. Toun Inköipen mößten säi tou Foute no Roahn, Martha namm denn sien Kinnerwagen, Jürgen un Marlis wurn doarin sett't un ett wurn lous schoan. Gretchen bekam faken Besuch van siene Öllern, weekenlang sind däi bi uss wesen, ett wure uss oaber nie touveel. Oma schillde jeden Dag un Emmavull Kartuffel un koakere un grout'n Pottvull Köksel mett Wurst un Speck. Oam«s käim twäi Pannvull Broatkartuffel upp'n Disk, doatou gaff ett no un Kumpvull Melksupp'n mett Klütken, ut Eier un Mehl. Mama mößte jede Weeken twäi groute Bröie backen. Däi Broutkassen wass so grout, dat häi jüst in Backoam van'ne Koakmaschin passere. Wi würn faken mett taihn Mann an Diske, wi sind aober jümmer olle satt wurn. Wenn Gretchen siene Öllern wia wegg föhrn, kräigen säi van uss uck no ollick watt tou Eeten mett upp«n Wegg. Das Buch zu den Geschichten »Erinnerungen ut miene Kinnertiet in twäiten Weltkrieg«, kann man in der Buchhandlung »Das Buch«, in Rahden, oder bei Elfriede Sudbrink, Tel. 0 57 71/30 76, erhalten. Fortsetzung folgt
Drucken